قصة ملاكـي (الجزء الحادي عشر)
منه: لأن باختصار ما عندي مشاكل مع حد غيره، فأكيد هو.
ملاك: وبعدين؟
منه: بس مش عارفة أعمل إيه.
ملاك: بلغي عنه.
منه: هقول تاني، ده أمجد الدمنهوري يعني مش سهل حد يوصله يا ملاك.
ملاك: ليه يعني؟ هو مش في قانون البلد؟
فهد من وراءهما: أها، طبعًا في قانون. بتتكلموا عن مين؟
ملاك: بتقول أمجد الدمنهوري.
فهد بغضب: هو ده اللي ضرب عليكي نار؟
ملاك: منه بتقول إنه ده.
فهد: ابن ال*** بينتقم مني فيكي.
منه: لأ مش كده، بس هو ابن خالي وكان قاصدني أنا.
فهد بصدمة: أمجد ابن خالك أنتي؟
منه: أيوة للأسف.
فهد: وهو عاوز يقتلك ليه؟
منه: خالي كتبلي كل أملاكه وطبعًا ابنه مفكر إن أنا اللي خليته يعمل كده، مع إني أكتر واحدة اتصدمت من كده.
ملاك: طيب هو مش أنت كنتي قولتي إنه سافر؟
منه: أمجد مش غبي، هو سافر عشان لو قدمت بلاغ أو فكرت حتى أتراجع لأنه كان مسافر أصلاً.
فهد: أنا رايح أجيب خالي.
ملاك بلهفة: بابا جاي هنا؟
فهد: أيوة، كلمني وقال إنه وصل هروح أجيبه.
ملاك: ماما معاه؟
فهد: لأ.
ملاك بارتياح: تمام يلا بسرعة.
فهد: ماشي، سلام.
منه وملاك: سلام.
بعد ما فهد مشى.
منه: هو بيتكلم بهدوء ليه كده؟
ملاك: لأ، مش هو أتأسف على كلامه ده وخلاص. الحمد لله مفيش خلاف يعني.
منه: وايه كمان يا ست ملاك؟
ملاك: فهد طلب يتجوزني.
بقلمي/ رنا شريف
منه بصدمة: نعم؟
ملاك: والله.
منه: ازاي ده؟
ملاك: أمي مصممة إني أتجوز سامح ابن خالتي وأنا مستحيل أوافق. انتِ عارفة فهو قال إن الحل الوحيد إني أتجوزه وبكده أكون خلصت من سامح.
منه: لأ، شهم بجد.
ملاك: أخرسي.
منه: طيب وأنتِ قولتي إيه؟
ملاك: ما سيادتك دخلتي بس كويس. أنا أساسًا مش موافقة.
منه: ليه يا ملاك؟ فهد باين إنه كويس.
ملاك: إنتِ عارفة إني رافضة فكرة الجواز كلها.
منه: لأ، إنتِ كده بتضحكي على نفسك. إنتِ رافضة سامح عشان اللي عمله زمان ورافضة الجواز عشان مفكرة إن الكل زيه.
ملاك: منه ارجوكي أنا مش ناقصة، وكمان بتتكلمي كأن فهد بيحبك. ده بيعمل كده شفقة بس عاوز يساعدني وخلاص.
مها من خلفهم: لأ، مش شفقة. فهد مش من النوع ده. هو عمل كده عشان بيحبك.
ملاك: مها، فوقي أنا واخوكي أمبارح كنا بنكره بعض وكان مستحقر وجودي بينكما.
مها: أقولك حاجة، فهد بيحبك حتى لو من أمبارح بس انتِ مشوفتيش شكله كان عامل إزاي ولا نظرته في الكلية من قبل، حتى ما يعرف إنك بنت خاله.
ملاك: أقفلي أنتِ وهي على الموضوع ده، أما مش هتجوز خالص.
عند أمينة (أم ملاك)
